Enska orðið contactless card ella proximity card kemur inn í okkara mál nú. Kortini eiga vit, og terminalarnar eiga vit - alt riggar, sum tað skal. 

Og so stingur áhugaverdi spurningurin seg upp: hvussu skal hetta nýggja tøkniliga fyribrigdið eita á okkara máli?

Málstovan heldur, at vit eiga at brúka enska orðið proximity sum grundalag, tí á netinum eru fleiri dømi við proximity card enn við contactless card – sambært Wikipedia fleiri enn tríggjar ferðir so ofta. 

Føroysku orðini fyri proximity eru: nánd, nærleiki; námd, návisi, námind.

Skotið verður upp, at proximity card skal eita nándkort - kortið, sum verður lisið, tá ið tað verður lagt inn ímóti - í nánd av - terminalinum. Gjaldið: proximity payment verður eyðvitað nándgjald.

Man hetta orðið ikki fara at krøkja í?