90 ymisk gonguløg
So ótrúliga ríkt og fjølbroytt kann føroyskt vera. Hesa ferð hava vit til stuttleika gjørt lista yvir ymisk føroysk sagnorð, ið lýsa ymist gongulag. Fleiri teirra kenna tit helst frammanundan, men málið er stórt, so okkurt teirra kennast tit kanska ikki við.
bekla = traðka skeivt og ganga óskotliga
bruka = ganga harðliga
dagga = ganga spakuliga
darla = ganga í hølunum á hinum
darta = ganga aftur og fram (hatta gongur og dartar)
dratla = ganga spakuliga og draga føturnar eftir sær
dreiva = ganga gleivandi
elta = ganga í hølunum á
flogsa = ganga við mannfólki, stræta, slentrast
gina, gleiva = ganga gleivandi
glorva = ganga óstortsliga
hikka = so frægt var, at hann við stavi hikkaði eftir gólvinum
hokka = tvassa, tvarra, tøssa, skjølka
hólka, hólpa = vera illa gongdur
hóra = hann hóraði á fótum (gekk uppi (hóast veikur)
kleyva = ganga og trampa í onkrum, vaða/vassa í onkrum, dálka, slóða
kneykra = ganga tungliga
knógva = taka seg tungliga fram
knossa = bera tunga byrði
knugga = ganga tungliga, knugga undir byrði
kritla (seg) = flyta seg spakuliga og varliga
lappa = ganga lættliga
mala = ganga og mala
meyka = letast, tvagla, dunsla(st), róla, døllast
pempa = tita, titla, ganga skjótt við stuttum fótafetum
ragga = ganga spakuliga
ragla = vingla, sløðra
ranka = ganga og mala allastaðni
rasa = snáva, detta (kúgvin rasaði)
regla = fáa illa staðið á beinunum, tað er ikki meira enn at hann reglar á beinunum
reika = ganga og strúka
rentlast = renslast, ganga úti og rentlast við hinum dreingjunum
reyla = ganga og rekast
rinka = vera í ruggandi rørslu
róla = ganga spakuliga, spáka
rúsa (fram) = fara við nógvari ferð
sjabba = stríða seg fram
skekla = vagga, sløðra, vingla, ganga óstøðuga
skinkla = ganga vaggandi, sløðra, vingla, vera liðaleysur
skjølka = ganga tungliga og óskotliga
slanka = (ranka og slanka), ganga og mala
slóma = ganga og mala
slóða = slóða gøtu; fara slóðandi innar í køkin
slupsa = (t.d. ganga slupsandi = vassa/vaða í evju)
sløðra = vingla
sløtra = vingla
smokka = smokka í evju
smúgva = smúgva seg ígjøgnum mannamúgvu
snata = ganga og snatast (snodda, sneyta)
snáva = detta
spáka = ganga (spakuliga), spáka sær ein túr
spankulára = stíga stórum, gina, hanin spankuláraði ývin á køstinum
spela = renna skjótt
staka, stakra = halta (t.d. hann stakaði eitt sindur)
starta = vera í rørslu, mala aftur og fram
stetla = stíga smá og ótrygg fet
stevna = seta kós ímóti
stíga = traðka
stika = halta (t.d. stika á beininum)
stinta = ganga stívbeintur
stólpa = stakra, vingla, sløðra
streyla = ganga og rekast
strita = stríða seg fram
strúka = renna, leypa, strúka avstað
stræta = ganga og mala
stumla, stumbla = ganga trilvandi í myrkri
støpla = ganga óstøðuga (t.d. hann støplaði um bakkar og gil, tí myrkt var)
teiga = stíga stórum (skjótt)
teina, teita = stíga stórum (spakuliga)
tita = ganga skjótt við smáum fetum
traðka = stíga, trampa
tritla = tita, stetla, tøtla, vappa, fjatla, smáspora
trumsa = ganga tungliga og óskotliga
tuka = (t.d. tuka ein aftur = skunda sær fyri at fáa ein aftur)
tumbla = ganga tungliga og óstortsliga
tuska = skunda sær, renna
tvarra = ganga og mala
tvassa = ganga ófantaliga, tøssa, traska, tvassa í djúpum krapa
tvinna = venda føturnar inneftir meðan ein gongur
tøssa = ganga har ið vátt er (og skitið)
tøtla = tita, vappa
tøva = ganga og ikki sleppa úr stað
vaða = vassa
vakka = reika, ganga og mala
vála = ganga og vála um gólvið
vappa = ganga vaggandi (sum dunna)
vavla = ganga óstøðuga (t.d. vavla á beinunum)
vassa = vaða
vingla = ganga óstøðugur