Øll dømini krevja eyðvitað samtekst, tí hvør einasta samanseting kann verða søgd á ymsan annan hátt í ymiskum sambandi, men her eru nøkur fá dømi, sum kunnu verða brúkt í summum førum. Tekstirnir verða ósvitaliga áhugaverdari at lesa við fjølbroyttari máli.

• øgiliga bangin > bebbaræddur
• øgiliga gamal > avgamal
• øgiliga lítil   > elalítil
• øgiliga fátækur > blóðfátækur
• øgiliga óður > ovursintur
• øgiliga móður > lúgvaður
• øgiliga irriteraður > forsyndaður
• øgiliga ræðandi > grøtiligur
• øgiliga vakur > yndisligur
• øgiliga stórur > førligur
• øgiliga keðiligur > langrøkjutur
• øgiliga ljósur > glógvandi
• øgiliga róligur > sinniligur
• øgiliga ansin > árvakin
• øgiliga reinur > gullreinur
• øgiliga klárur > gjøgnumskygdur
• øgiliga kaldur > stirdur
• øgiliga fullur > á tremur
• øgiliga fittur > vinsælur
• øgiliga djúpur > bládjúpur
• øgiliga troyttandi > møðsamur
• øgiliga skitin > gravskitin
• øgiliga turrur > skróvturrur
• øgiliga keðiligur > køvisligur
• øgiliga lættur > fonlættur
• øgiliga tómur > skraltómur
• øgiliga glaður > ovfarakátur
• øgiliga góður > frágerðargóður
• øgiliga ymiskur > óparaligur
• øgiliga vakur > undurvakur
• øgiliga tystur > deyðatystur
• øgiliga sterkur > krútsterkur
• øgiliga býttur > kúbýttur
• øgiliga klænur > avpiðaður
• øgiliga heitur > glóðheitur
• øgiliga ivrigur > algoystur
• øgiliga stillur > kúrrur