Í novembur mánaði 2013 noktaði Viktor Janukovitj, táverandi forseti Ukraina, at skriva undir sam­starvs­avtalu við ES. 

Avgerðin hevði við sær, at stórar fjøldir av mótmælis­fólk­i savnaðust á Frælsisplássinum – Maidan – í ­Kiev. Og síðan hendi so mangt annað. Viktor Janukovitj  flýddi til Russlands, russar hertóku Krim hálv­oynna, og bardag­arnir harðnaðu í Donbas í eystara parti av Ukraina. 

Ukrainski høvundurin Andrej Kurkov fer við okkum til Maidan í Kiev, frá tí at mótmælini byrjaðu tann 21. november 2013, og sigur okkum frá tilburðunum, sum eru flættaðir saman við heilt vanligar gerandissøgur úr hans­ara egna lívi.   

Í dagbókabrotunum er Kurkov bæði vónríkur og ørkyml­aður um hóttandi og óstýriligar kreftir, sum stóri granni­n hjá Ukraina eggjar til.