Konrad Rasmussen er sum ungur rýmdur úr Føroyum og finnur eftir drúgva ferð um hálvan knøttin friðskjól á Norðuroynni í Nýsælandi og fer í vinnu hjá viðgitna (og illa gitna) dananum Monradi bispi. Konrad er bæði gávaður og bráðlyndur, og lesarar kenna hann aftur frá mínum fyrru Denni­ston skaldsøgum sum Con the Brake. Hann má viðurkenna, at fortíðini sleppur hann ikki undan. 

Hetta er søga Konrads og søgan hjá óvanligu donsku/māori kvinnuni Anahuiu. Hetta er søga um nýggj lond og gamlar sagnir, um sjóferðir og kríggj og leitan eftir kærleika. Hon er eisini søgan um Føroyar í 1860-árunum og um fyrstu sambondini ímillum Danmark og Nýsæland.    

Í Fylg sjóvarfallinum berjist frælsi andin við máttin, sum er í siðvenjum bæði í Føroyum og í Nýsælandi/Aotearoa. Eg vóni, at føroysku lesararnir fara at síggja líkskapin millum sambondini við Danmark og tey sambond, Māori ættar­bólkarnir høvdu við ensku búreisingarnar.

Jenny Pattrick