Raðfest vørur
Vøruslag: Pappírsbók
Høvundur/ar: Carl Jóhan Jensen
Bólkur/ar: Yrkingar
Upprunaland: Føroyar
ISBN: 978-99918-71-10-3
Útgávudagfesting: 16. november 2010
Síður: 92
Kápa: Heft bók

Fótatraðk

Carl Jóhan Jensen

Skjaldratingsboð – kunning um bókina frá høvundinum sjálvum.

Fríggjadagin 6. november í hesum Harrans ári tjúguhundrað og níggju og endaleyst frameftir (ið hvussu er hetta til jóla) stevnir skaldið ella ó-skaldið Carl Jóhan Jensen gomlum og ógomlum, lágum og ólágum, vitandi og óvitandi, samdum og ósamdum, beistaktigum og óbeistaktigum, valdum og óvaldum, útisettum og óútisettum, krímfongdum og ókrímfongdum, skattaðum og óskattaðum, lýstum og ólýstum, javnaðum og ójavnaðum, heilagum og óheilagum, sambandskum og ósambandskum, lesandi og ólesandi, fúlum og ófúlum, ja, stutt sagt øllum yvirmoldarføroyingum á skjaldrating. 

Skjaldratingið verður hildið undir heitinum Fótatraðk – ein skjaldratingsseta. Fylgiskjølini eru 89 í tali, umframt eina fløgu við viðmerkingum og upplestri.

Forvitin spyr 

-Íðan, hvat tr**** er so eitt skjaldrating?
Jú, tað er eitt ting, har skjaldur verða løgd fram.
-Men hvørji skjaldur?
Nýskjaldur sjálvandi.
-Og hvat slag av skjaldrum eru tað so, meðni?

Nei, tað eru nú bara skjaldur við støði í teimum gomlu, hevdbundnu skjaldrunum, men ólík, stak ólík til innihald kortini. Ella skjótt samanumtikið, skjaldur við nútíðarligum evni, skammleyst politisk, full av misskiltum tjóðskapi, óheimastýrislig, óflættilig, forherðað, óskattborgarasleiskin, pásettlig, ósemjusøkjandi, hartil ólurtaravinarlig, óvælferðarsjabbslig, men fram um alt so ómorgun-andaktslig, so óhvørkisliga orðað, at eingin ófananssettur føroyingur átti at lænt teimum oyra. So óreint í tykkum, sum sanniliga og við vissu at kalla, lokkaði av forvitni tykkara, fara at keypa hesi skjaldur, lesa tey og lurta eftir teimum, skammleys eru tit og ó-í-oyggjum-havandi bæði her og handan, nú sum í allar ævir.

Tað eru forlagið Sprotin og plátufelagið Tutl, sum enn og aftur útvega syndini og ósómanum pappír, prent og fløgurúmd og skamm fái tey við fyri tað.

Lortið fæst í øllum bókabúðum og á Káta horninum.

Nøgd
Prísur
11,81 EUR
DKK EUR USD GBP NOK SEK
Tú fært vøruna borna til dyrnar, ella tú kanst heinta vøruna ókeypis á Bókamiðsøluni (á Hjalla 7b, FO-188 Hoyvík).

Um høvundin Carl Jóhan Jensen

Føddur í 1957. Útbúgvin mál- og bókmentafrøðingur.

Yrkjari, høvundur, blaðmaður og ummælari. Skrivaði fast í Fregnir tey fýra árini, blaðið kom út.
Eyðkend eru hansara bersøgnu ummæli og hvøssu politisku viðmerkingar.

Aðrar bøkur Carl Jóhan Jensen

Vatn er ein vátur logi
46,72 EUR
Terningar - søgur av tilvild
46,72 EUR
Sær - ein fuglabók av gloymsku
40,01 EUR
Bókin um tað góða
26,58 EUR
Eg síggi teg betur í myrkri - Forspæl til ein gleðileik
33,29 EUR
Ó -, søgur um djevulskap
40,01 EUR

Aðrar bøkur Yrkingar

Á marknaðinum í vár
Vit skulu upp og avstað
26,58 EUR
Á marknaðinum í vár
Allir luktir ørkymla mín staðarsans
26,58 EUR
Tann ákærdi boðberjin
26,58 EUR
Dreymaólag
19,87 EUR
ást
19,87 EUR
Martin Joensen
53,43 EUR