Í 2001 heitti Mentamálaráðið á Annfinn og Jonhard um at fara undir føroyska – enska. Tað varð gjørt við móðurmálsorðabókini sum grundarlagi. Í 2003 var arbeiðið liðugt, men tá vísti tað seg, at so stórur munur var á enskt – føroysku frá 1992 og nýggju føroyskt – ensku, at tær kundu ikki fara á marknaðin sum ein greipa. Bókin frá 1992 varð síðan gjørd av nýggjum og í 2005 var hon klár til útgávu. 

Í 2005 vórðu bøkurnar lagdar út á alnetið til almenna nýtslu. Tær vórðu ritstjórnaðar í tvey ár aftrat og vórðu prentaðar í 2007.