Sune Joensen er føddur í 1931 og vaks upp í Sandvík. 

Bygdarlívið í Sandvík bar dám av tí, at flestallir menn vóru fiskimenn. Menn fóru av bygdini mánaðarskiftið februar-mars og vóru burtur til síðst í september, frároknað ein steðg millum suðurlandstúrin og grønlandstúrin, og sjálvur fór Sune til skips í 1947. 

Frá 1950 til 1992 arbeiddi Sune á Føroya Bruna-trygging, seinastu 10 árini sum stjóri. Tað er hetta skiftið, hann fer at skriva um tað, hann minnist frá sínum uppvøkstri, og tað, hann fyri ein part sjálvur hevði royndir við. 

Hann lýsir gerandisliga tilveru her á landi, áðrenn vit rættiliga komu inn í nýggju tíðina. Tað var tíðin við vánaligum undirstøðukervi, sluppum, torvskurði, nótakasti, eldri siðvenjum, øðrvísi hátíðarhaldi. 

Tað var ein onnur tíð, onnur ferð var á fólki, onnur krøv vórðu sett teimum, aðrar avbjóðingar og onnur kor. Hesa tíðina lýsir Sune Joensen hegnisliga í hesum savninum.