Silas Olofson er føddur í 1983, búsitandi í Hvannasundi, útbúgvin gudfrøðingur og hevur altíð havt ein serligan áhuga í fuglalívi. Silas hevur eygleitt fugl frá barnsbeini og hevur fingist nógv við fuglafrøðiligt arbeiði, bæði professionelt og sum frítíðarvirksemi. Umframt at vera fuglakønur er Silas fuglamyndamaður og brúkar nógva tíð í fjøllum og fjøru at eygleiða og avmynda fugl. Ígjøgnum nógv ár hevur hann miðvíst avmyndað fugl í Føroyum við tí fyri eyga at geva út eina fuglabók við myndalýsingum av fuglalívinum í Føroyum.