Olly Ritterband er fødd í Miercurea-Niraj í Rumenia í landspartinum Transilvania. Foreldur hennara vóru jødar. Góð og trygg fóru barnaárini; men á gáttini til sjálvt lívið, lagnuárið 1944, komu nazistarnir, og hon og øll í húsinum vóru send í týningarlegu. Í bókini sigur Olly frá, hvussu lagnan var sær og sínum lagað – mannalagnur, fluttar sum finnur í talvi. Hví hevur hon skrivað hesa bókina? Tíðum hoyrist, at slíkt verður aldri aftur. Burtur eru týningarlegur, gasskømur og øll eyðmýking. Men søgan ber boð um, at so er ikki. Hvønn dag er tílíkt, ymsastaðni í verðini, sum líkist nazistisku týningartippunum. Sannleikin nítur mangan fast, men hann kann læra okkum.