Í mars 2015 stendur Nicholas, veteranurin úr Afganistan, einsamallur í skóginum oman fyri húsini, til reiðar at beina fyri sær, tá ið tað gerst honum greitt, at hann verður noyddur at siga sínum næstringum frá ætlanini. Hann lovar mammuni at halda sær á lívi til jóla, sum liggja 304 dagar fyri framman.

Ígjøgnum 304 brot verða tvær søgur sagdar: Nicholas fer í kríggj, tí hann vil vera við til at gera heimin til eitt betri pláss, men endar við at fáa sítt egna lív skrætt sundur í smápetti. Arman er trý ára gamal, tá ið Sovjet ger innrás í Afganistan. Sum vaksin fer hann upp í Taliban fyri at verja land sítt – millum annað fyri norskum hermonnum.

304 dagar er ein skaldsøga um kríggj og vinalag, kærleika og familju. Hon snýr seg um, hvussu lív okkara eru vovin saman til eina frásøgn, sum toyggir seg fleiri túsund ár aftur. Fyrst og fremst snýr hon seg um bardagan at koma fyri seg eftir eitt krígstrauma og at royna at yvirliva í friðinum.