Hildið verður, at ramman um søguna við hjúnabondum, drápum og fólkum er eftirfarandi, men at restin er íspunnin søga.  

Kjarnin, ið søgan melur um, er Guðrun, sum var víða gitin fyri vakurleika og eisini klókskap. Tveir fosturbrøður girnast hana – Kjartan Ólavsson og Bolli Tórleiksson. Guðrun er góð við Kjartan, men við lygnum fær Bolli hana. Fosturbrøðurnir gerast fíggindar, og tað endar við, at Bolli drepur Kjartan. Seinni verður Bolli fyri somu lagnu, tí illgerðin verður hevnd.

Søgan er um kurteisisfyrimyndir, tann týnandi og ótamda ­máttin í kærleikanum og ta eirindaleysu lagnuna, og hevur verið lýst sum  „ein av teim størstu sorgarsøgunum um kærleik í norrønum bókmentum, lýst við djúpum sálarligum innliti og bókmentaligum hegni.“