Vagnur sigur sjálvur: Yrkingasavnið um dupultmoralin, lívsins skuggasíðu, villandi átrúnaðin og tað at vera til í fleiri heimum og veðurløgum kann tykjast hvassorðað, langt út um mark onkrastaðni, ella ”hatta kann mann ikki siga” -ligt, men tað er tilfarið, ið vit øll so ofta uppliva. Leygarkvøldið ella ”tann hugsjónsleysi, sum fór upp í politikk fyri pengarnar” hava á ein hátt vilst seg inn á reglurnar. Ímeðan - eg - standi - og - bíði - í - kø yrkingar troka seg eisini av og á inn í heysin og nokta at skrubba av. Hóast tær kanska ikki hava uppiborið pappírspláss, so hevni eg meg við at festa tær á blað.