Vísindi og vísindanýtsla raka mest sum øll menniskju í nýtíðarheiminum. Í tí sambandi eru nakrir serligir trupulleikar knýttir at, hvussu hug- og samfelagsvísindi verða nýtt á útbúgvingarøkinum, heilsuøkinum og almannaøkinum og við bókini verður roynt at gera tað lættari at síggja, hvat ið býr seg undir vísindaligu frásøgnunum.

Bókin er ætlað øllum lesarum, ið uttan serligar fortreytir hava áhuga fyri evninum. Dømini í bókini eru serstakliga skrivað við teimum í huga, ið arbeiða ella útbúgva seg til at arbeiða á námsfrøðiligu, almanna- og heilsufrøðiligu økjunum.