Hvørjir lyklar eru í Sjön inn til skaldskap hansara? Tann strangi og avmarkandi átrúnaðurin, sum óttast lívið og fær syndaskránna at bólgna í gerandisdegnum. Áskoð­­anin á kærleika, kynslív, alkohol og tey ógudiligu. Átrúnaðarliga ótolsemið. Avskeplaða kenslulívið, sum stendar at bresta. Ein­semið. Skógurin. Karga landslagið. Alt hetta finnur sær ræsur inn í skald­skapin.   

Í bókini eru níggju líknilsi. Mátturin í bíb­­ilsku myndburðunum, sum hava verið prentaðir inn í dreingin. Líknilsini, sum eru tann einasti syndafríi skaldskapurin, viðgera hvør sítt evni í høvundsins lívi. Her eru eis­ini brot úr lívi hansara, sum hann lovaði ongantíð fóru at vera søgd. M.a. søgan um ta fimmtiára gomlu konuna, sum ein heitan juni­dag í 1949 tøldi hann og fekk hann – sum tá var 15 ára gamal – at nøkta seg kynsliga á einum køksgólvi – einum kvistfríum furugólvi. Lýst eymliga og fær hann at koma til niðurstøðuna: Hetta er tann sanna kraftin, tað sanna lívið, sum lítla samfelagið við trúnni hevur lagt í spenni­troyggju.