Vøruslag: Pappírsbók
Høvundur/ar: William Smith
Bólkur/ar: Skaldsøgur
Upprunaland: Føroyar
Kápusnið: Helena Smith
Umbrot: Sonja Kjølbro
ISBN: 978-99972-1-162-0
Útgávudagfesting: 22. oktober 2015
Pappírsbók
E-bók Ljóðbók

Hinumegin garðin (pappírsbók)

William Smith

„Orðini høvdu tamarhaldið á okkum og hildu okkum tilvitað um, at syndansløn var deyðin og ævigt fortapilsi. Eg fekk ein óvissan grið fyri syndini ta løtuna, eg var í sunnudagsskúla, men so skjótt eg fór úr aftur sunnudagsskúlanum, var eg umgirdur av synd og freistingum og var glataður og kanska æviga fortaptur til næstu ferð, eg skuldi í sunnudagsskúla.“

Óvitin í hesari sjálvsævisøguligu skaldsøguni verður drigin inn í religiøsa heila-spunan hjá sínum sunnudagsskúlalærara. Sunnudagsskúlalærarin vissar hann um, at tað mesta av tí, hann ger og hugsar, er synd, og verður hann ikki frelstur, er hann æviga fortaptur og fer til helvitis. Hvussu hann so roynir, lýkur óvitin ikki treytirnar fyri at verða frelstur.

Men friðskjólið á markinum millum frelsuna og fortapilsið er inniliga sambandið millum óvitan og ommuna, og í anganum frá kamfurdropum og hennara mutlandi samrøðum við Gud og Jesus finnur óvitin fyribils náðina.

Líka til náðileysa óvissan ger teimum annað greitt.

Nøgd
Vanligur prísur
kr. 198,00
Klubbaprísur
kr. 158,40
Ert tú ikki klubbalimur? Tekna teg her
Bókin fæst sum pappírsbók, e-bók, ljóðbók
DKK EUR USD GBP NOK SEK
Tú fært vøruna borna til dyrnar, ella tú kanst heinta vøruna ókeypis á Bókamiðsøluni (á Hjalla 7b, FO-188 Hoyvík).

Keypir tú fyri meira enn kr 500 verður vøran flýggjað tær ókeypis við dyrnar!
Tænastan er fyri vørur, sum verða sendar innanlands.

 

Um høvundin William Smith

(1945-2017)

William Smith var føddur í Vági. Átta ára gamal flutti hann við mammuni og systkjum til Trongisvágs at búgva. Hann tók realprógv frá Tvøroyrar Skúla í 1962 og royndi síðani ymisk størv. Millum annað eitt hálvt ár við línubáti og læraravikarur í tvey ár, áðrenn hann í 1965 fór til Danmarkar. Har varð hann fyrst útbúgvin heilsurøktari fyri sinnissjúk og eftir tað sjúkrarøktarfrøðingur.

Frá 1984 arbeiddi William sum smittuverjufrøðingur á sjúkrahúsum í Danmark, og í eitt fimmára skifti sum smittuverjufrøðingur á sjúkrahúsi í oljulandinum Oman. Frá 2006 til 2017 arbeiddi William sum smittuverjufrøðingur hjá Heilsuverki Føroya.

Aðrar bøkur William Smith

Aðrar bøkur Skaldsøgur

Á marknaðinum 29.04.2021
Leksikon í ljós og myrkri
298,00
Á marknaðinum 19.03.2020
Tá ið einglar spæla Mozart
298,00
Nýggj
1984
298,00
Stormfuglar
198,00
Ein táttur er silvur
298,00
Dýrd himinsins
248,00