Eva Nielsen (1968) varð fødd, vaks upp og las til lækna í Gøteborg. Eftir at hava granskað í nøkur ár, skrivaði hon doktararitgerð í 2000 og fór síðan at útbúgva seg til serlækna í kvinnusjúkum. Síðan 2014 hevur hon virkað sum fríyrkislækni í Svøríki, Noregi, Grønlandi og Føroyum. Kom á fyrsta sinni til Føroya í 2016 og hevur verið her mangar ferðir síðan. Hon varð hugtikin av landinum og føroyingum og fór miðvís undir samrøður við fólk um ymsar tættir til bókina THE FAROES(E).