Þórarinn Eldjárn er íslendskt skald, føddur 1949. Fyrsta bók hans­ara var yrkingasavnið „Kvæði“ (1974). Síðan hevur hann útgivið 9 stutt­søgusøvn, 6 skaldsøgur, 16 yrkingasøvn og haraftrat 12 yrkingasøvn við barnarímum. Hann hevur týtt hópin av útlendskum meistara­verkum til íslendskt.  Av týðingum hansara kunnu nevnast bøkur eftir Lewis Carroll, Julia Donaldson, ­William Shakespeare, August Strindberg, Tove Jansson og Göran Tunström.

Þórarinn Eldjárn er í Íslandi serliga kendur fyri sín beinrakna stíl, har ein broddur av hárfínum skemti ofta er at hóma. 

Jarðfest norðlýsi, sum varð útgivin í Íslandi í 2025, er fyrsta bók hansara á føroyskum.