Íslendingasøgur eru partar av tí íslendska mentanararvinum, sum føroyingar eisini ogna sær ein bita av, men hjá nútíðarlesarum er stundum striltið at skilja hesar tekstir til fulnar, tí gloppið millum miðøld og nútíð á mangan hátt er ov stórt. Heimir Pálsson fer við hesari bók at byggja brúgv tvørtur um hetta gloppið. Hann fær okkum at skilja, hvussu gomlu víkingarnir fataðu tilveruna, og greiðir spurningar sum: hvat var rætt, og hvat var rangt í miðøld? Hvat merkja orðini kærleiki og vinalag? Hvat býr í myndini, sum søguteksturin skapar? Hvussu nógv líkjast søgutekstir bókmentum annars?