Fyri fyrstu ferð koma mongu yrkingarnar hjá lærararnum og skúlastjóranum, Steingrím Niclasen, nú út í bók. Mong munnu kennast við onkrar av yrkingunum hjá Steingrími Niclasen, sum hevur yrkt síðani hann var heilt ungur. Onkrar av yrkingunum hava verið á prenti í bløðunum og onkur sálmur hjá yrkjaranum er eisini at finna í sálmabókini. Nógvar av hansara yrkingum eru tó bert kendar av einum parti av føroyingum, tí tær hava verið yrktar til ávís høvi ella ongantíð eru komnar á prent.