Sjálvur kallar Per Olov Enquist hesa skaldsøguna eina "kærleikssøgu". Ein lýsing, ið kann tykjast ørkymlandi. Tí evnið í bókini er um lív við ongum kærleika, um tilveru undir ringastu umstøðum, ið hugsast kunnu. Pasqual Pinon er vanskapningur. Hann varð føddur við tveimum høvdum. Tá ið vit koma í samband við hann á fyrsta sinni, verður hann fjaldur í einum námi onkustaðni í Meksiko. Úr sínum egna høvdi er sprottið annað høvur, ið er konufólkahøvur. Hann ber tað sum eina námslykt, sum hann hevur vavt nakrar spjarrar um. Søgan um hesa sjáldsamu menniskju kemur fyri oyruni á manni, ið rekur eitt sirkus. Hann sær møguleikarnar og fær ólukkudýrið at koma við sær á framsýningarferð saman við øðrum margháttligum skapningum.