Kristin og Erlendur og allir sjey synirnir eru endað á Jørundargarði. So skuldi friður valdað. Men kensluliga eru eingi kyrrindi teirra millum. Soleiðis eru tey ikki skikkað.    

Seinasta bókin varðveitir frásøgumáttin og spenn­ingin.  

Og her endar søgan um Kristin og Erlend. Hóast beiskleiki og stoltleiki mangan hava syndrað viðurskiftini teirra millum og rikið tey hvørt frá øðrum, so hevur kærleikin tó fastatøkur á teimum.    

Í Kristini skarast at enda jarðligi og himm­alski kærleikin. Hon fatar, hvussu lívið í sínum stórleika er samantvinnað, hon sær træðrirnar í lívsvevnaðinum, sum hava givið lívinum eina háborna ætlan.