Ferð mín móti himli
Hetta er ein serlig søga um, hvussu tað góða roynist, og hvørji kor tað hevur í einum heimi, sum er súrgaður av synd.
Høvuðspersónurin, sum er ferðasølumaður, er frelstur maður. Hann er eirindaleysur í síni tráan eftir at gera rætt og vera rættvísur. Hann má sanna, at trupult er at vera sannur kristin í einum heimi, ið ger tað øvuta av øllum tí, tey kristnu virðini umboða.
Hann prædikar allastaðni, og fólk ilskast og øsast av hansara rættlætispráti.
Hetta er í tíðini eftir stóra skrædlið í USA, og hann fer sjálvboðin undir eitt lív í fátækt saman við øllum teimum mongu, ið líða. Hann hvørki roykir, drekkur ella spælir kort. Kundi ikki funnið uppá at sligið nakran. Hann vil ikki hava renturnar, ið bankin tilskrivar honum, og hann gevur burtur peningin, sum loypur av. Hann arbeiðir ikki sunnudag og setur seg ikki so mikið sum í eitt tok sunnudag. Hann ger ongar neyðsemjur. Hann roynir at umboða tað reina í einum heimi, sum er farin av kós. Hann vil hava sonnu virðini framaftur.
Hansara mongu ferðir leiða hann inn á øll hugsandi støð og fær hann at hitta øll hugsandi folk – hann ger í royndum eina ferð inn í sjálva ta amerisku sálina.