Raðfest vørur
Vøruslag: Pappírsbók, Ljóðbók
Høvundur/ar: Graham Greene
Bólkur/ar: Skaldsøgur
Upprunaland: United Kingdom
Týðari: Jákup Sørensen
Kápusnið: Edward Fuglø
Umbrot: Sonja Kjølbro
ISBN: 978-99972-1-205-4
Útgávudagfesting: 21. mars 2017
Síður: 138
Útgávuár: 2017

Tíggjundi maðurin

Graham Greene
TÍGGJUNDI MAÐURIN maðurin er ein skaldsøga, ið fer djúpt inn í ta angist, sum elvd er av svika­gerð og lygn. Bregd­að inn í alt er eis­ini ein søga um ­dirvi og offur.

Í seinna heimsbardaga í Fraklandi verða nakr­ir menn tiknir og tveittir í eina fanga­legu. Ein dagin sigur ­týski fangavørðurin við teir, at trígg­ir teirra verða skotnir í lýsingini, og teir skulu sjálvir gera av, hvørjir teir trígg­ir skulu vera.

Teir kasta lut, og múgvandi advokat­ur­in Chavel verður ein teirra. Men heldur enn at geva seg undir lagn­una selur hann ogn­ir sínar til ein annan fanga, tann blóðfátæka Janvier. Janvier, sum er heilsuveik­ur, sær hetta sum ein møguleika at ­bjarga móður og systur síni úr neyð og fátækadømi.

Tá ið Chavel sleppur leysur aftur, er hann fullkomiliga niðurundirkomin av skomm og harmi um tað, hann hevur gjørt.

Hann hevur latið ognir sínar fyri lív sítt – men fer síðan at liva fyri at ­gjalda fyri sína gerð á heilt óvænt­að­an hátt.

Ljóðbókin er tøk á mofibo.dk
Nøgd
Prísur
kr. 198,00
DKK EUR USD GBP NOK SEK
Ljóðbókin (mp3-fíla) verður klár at taka niður í tínari kontu so títt og knapt, tú hevur goldið.
Ljóðbókin er ein mp3-fíla. Tú tekur fíluna niður á tína teldu, teldil ella fartelefon. Forrit/appir at lurta eftir ljóðbókum eru td. iTunes og VoiceDream.

Um høvundin Graham Greene

Graham Greene (1904-1991) var føddur í Hertfordshire, men livdi seinastu 30 ár síni í Fraklandi. Hann telist millum mest lisnu ensku rithøvundar í 20. øld og var helst tann, sum fekk spenningstekstin veruliga viðurkendan. Hann royndi seg í flestu tekstasløgum í sínum 60 bind stóra ritverki, men hann stóð seg best í tí heimspekisgrundaða spenningstekstinum. 

Í sjálvævisøguni A Sort of Life lýsir Greene, hvussu hann sum drongur á skúlan­um, har pápin var rektari, kendi seg tvíbýttan ímillum heimin hjá vinun­um og foreldrunum. Bara við at svíkja báðar partar slapp hann at vera sær sjálvum trúgvur. Greene helt hetta vera grundhelluna undir sínum rithøvunda­verki, og satt er tað, at hann lýsir tvínjósn­­ar­an, mannin, sum fylgir sínum tvíbýtta loyaliteti, við serligum innliving­arevnum.

Aðrar bøkur Graham Greene

Aðrar bøkur Skaldsøgur

Á marknaðinum í heyst
Himmal og helviti
348,00
Á marknaðinum í heyst
Bardagin um Troiuborg
348,00
Bara ein mamma
248,00
Sorgarmarsjurin
198,00
ARR
348,00
Suðurgluggin
198,00