Tá ið trøll fara á flog er ein lýrisk frásøgn, sum fer fram í Føroyum. Kann líkið av einum barni fáa tvær ættir, sum leingi hava ligið í stríði, at sættast? Kunnu børn fáa fedranna fíggindskap at leggja seg? 

Í tí løtu, tá ið lív týnist, og lív endurføðist, og himmal og jørð renna saman, tekkist ikki, hvar jørðin endar, og himmalin tekur við.

Har, sært tú ævinleikan við berum eygum.

Hann fyllir og flýtur, angar og rúmkast, tungur og vætumikil.

Í lýsingini lættir hann. 

Ævinleikin fevnir um seg sjálvan og smoyggir sær inn um eygað.

Eingin sær hann.

Kennir bara tyngdina, áðrenn eyguni leggjast saman og um ævir gerast partur av eygunum á náttarhimlinum.