Raðfest vørur
Vøruslag: Pappírsbók
Høvundur/ar: Erich Wustmann
Bólkur/ar: Ymsar útgávur
Upprunaland: Týskland
Týðari: Anja Tell
Umbrot: Sára Mikkelsen
ISBN: 978-99972-1-320-4
Útgávudagfesting: 20. februar 2019
Upprunaheiti: Paradies der Vögel, Im Nordatlantik auf einer einsamen Insel (1949)
Síður: 136
Útgávuár: 2019

Fuglaparadísið Mykines

Erich Wustmann

Síðst í tríatiárunum var týski fólkalívsfrøðingurin Erich Wustmann í Mykinesi og gjørdi ein fuglafilm. Meðan hann dvøldi har, skrivaði hann eina nemandi frásøgn um vandamikla og lívsjáttandi lívið hjá fuglaveiðimonnunum í Mykinesi og um blíðskapin hjá mykinesfólki. 

Samstundis er frásøgnin ein kvøða til vøkru náttúruna og ein áminning til okkara í dag at ansa eftir viðkvomu vistfrøðiligu skipanini. 

Erich Wustmann skrivar seinni í endurminningum, at hann á mongu kanningarferðunum, sum hann gjørdi, ongantíð hevur sæð slíkt fuglaparadís aftur. Ikki kundi hann ímynda sær tá, at tað skuldi bera til at oyða ein so stóran fuglastovn. Hvar er fuglaparadísið hjá okkum farið?

---

Síggj myndir úr bókini niðanfyri:

Prísur
kr. 248,00
DKK EUR USD GBP NOK SEK
Tú fært vøruna borna til dyrnar, ella tú kanst heinta vøruna ókeypis á Bókamiðsøluni (á Hjalla 7b, FO-188 Hoyvík).

Um høvundin Erich Wustmann

(1907-1994)

Sum fólkalívsfrøðingur og ferðarithøvundur hevur týskarin Erich Wustmann varðveitt nógv um okkara farnu tíð. Hann gjørdi nógvar kanningarferðir, har hann livdi saman við upprunafólkum og skjalfesti lívið hjá teimum við myndum, filmum og ferðafrásøgnum.

Síðst í juni í 1938 kom hann til Mykinesar at gera ein fuglafilm, men fór longu víðari til Íslands fyrst í august. Burtur úr hesari stuttu vitjan komu tvær bøkur, nógvar myndir og ein filmur, sum lýstu fuglalívið í Mykinesi og ikki minst lívið hjá mykinesfólki. Erich Wustmann visti einki um fugl, áðrenn hann kom til Mykinesar. Ta vitanina ognaði hann sær frá einum mykinesmanni, Dunga Hans-Paula.

Lýsingin av Mykinesi og Føroyum sum heild er sæð við gestsins eyga, onkuntíð blandar hann fuglanøvn og lýsir okkurt skeivt, men kortini er hetta eitt virðismikið skjalprógv um tíðina, tá ið gamla bóndasamfelagið á útoyggjunum var um at víkja fyri tí nýggju tíðini.

Erich Wustmann doyði í 1994 sum 86 ára gamal.

Aðrar bøkur Erich Wustmann

Váðafúsir føroyingar
198,00

Aðrar bøkur Ymsar útgávur

Ross og fólk
398,00
Veðursjúka
238,00
Sanna Dahl
398,00
Góðkrút
448,00
Hugleiðingar av marbakkanum
348,00
Reyn, kæra Reyn
448,00