Regin Dahl endar í útlegd orsakað av seinna heimsbardaga. 

Útlegdin hevur formað hann sum menniskja og listafólk. 

Henda bók er ein ferð niður í søguna um okkum, tjóðskapartilgongdina og samleikamenning-ina, seinna veraldarbardaga og útlegdina sum grundleggjandi lívstreyt í modernitetinum. 

Úr hesi útlegdini syngur Regin Dahl til okkara. Hann er sum rødd, ið rópar úr oyðimørkini. 

Úr útlegdini. 

Haðan syngur hann harmasangir úr teirri felags fortíð, ið vit øll hava mist. Um tað samfelag, sum hann sjálvur varð rivin úr. Um hin horvna heimin, ið hann sum barn og ungur sá í brotum, men sum brádliga hvarv og ongantíð kom aftur. 

Men eisini um kærleika, náttúru og lívsælu. 

---

Orð og tónar LIVE 02/04/2020. Knút Háberg Eysturstein hugleiðir, og Teitur Lassen syngur og spælur. Reinsaríið skipaði fyri ísmb. við Korona.