Bergur Djurhuus Hansen (f. 1968) er lektari í bókmentum og dekanur á Fróðskaparsetri Føroya. Hann hevur skrivað mongd av ummælum og greinum um bókmentir í føroysk og útlendsk rit. Ph.d.-ritgerð hansara um fýra ferðafrásagnir eftir Kristian Osvald Viderø kom út í bók í 2015 við heitinum Er heima til?. Sum granskari hevur hann givið út vísindaligar greinir um eitt nú samtíðarskaldskap, modernismu og ferðafrásagnir úr Norðurhøvum og Arktis. Síðani 2021 hevur hann verið í ritstjórnini á tíðarritinum Arctic Humanities.