Løgið er tað, men menningarlæran hevur savnað seg um mannin. Helst ávirkan frá skapanarsøguni, sum segði, at Gud skapaði mannin fyrst. Síðan kom kvinnan.

Hvaðan kom kvinnan var fyrsta verk at tala fyri partinum hjá kvinnuni í menningarlæruni.
Hon setur seg upp ímóti bíbilsku útgávuni, at kvinnan var ein tanki, ið skeytst inn í søguna, eftir at maðurin var skaptur. Á tann hátt umskrivaði Elaine Morgan mannasøguna og menningarsøguna.

Arbeitt verður við ástøði um, at menniskjað er komið úr sjónum.

Ílegurnar í menniskjum og sjimpansum eru næstan meinlíkar, men menniskju og sjimpansur líkjast als ikki. Hvussu ber tað til?

Bókin setir áhugaverdar spurningar, sum hví menniskjan ólíkt øðrum primatum ikki hevur feld, men líkist í so máta havsúgdýrum.

Hvat hevur fingið menniskjað at ganga upprætt á afturbeinunum? Hví hevur tað so stóran heila?

Hví flóta nýfødd børn og halda ondini, tá ið tey eru undir vatni?

Hví eru børn ársgomul, áðrenn tey fara til gongu?

Hví búgva allarflestu menniskju fram við sjónum?

---

HVAÐAN KOM KVINNAN varð umrødd í Lesikrókinum 24.05.2024