Ateisma breiðir seg í vesturheiminum, og fíggindi hennara er Gud. „Nýateist­arnir” tvíhalda um, at átrún­að­ur „er vandamikil”, at hann „drepur” ella „eitrar alt”. Og um trupul­leikin í heiminum er átrúnaður, so skjóta teir eina einfalda loysn upp: burtur við átrúnaði.

Men er tað veruliga so einfalt? John ­Lennox leggur eitt nú eftir Richard Dawkins, Stephen Hawking, ­Christopher Hitchens og Daniel Dennett við at varpa ljós á skeivu framferð teirra og vísir á, at teirra óskynsama og óvísindaliga háttalag ger teir sekar í somu stívrendu fávitsku, sum teir ákæra trongskygd trúgvandi fyri.

Við at fevna víða og grava djúpt gevur Gud fyri skotum nýateistunum mong lemjandi sløg. Í bókini verða eisini nýggjar hugsanir um Gud og kristnu trúnna førdar fram, ið geva bæði bestu vinum og argastu fíggindum hjá nýateistunum okkurt at grunda á.

---

GG! Lesandi og næmingar annars kunnu fáa bókina fyri 175 kr. viđ at senda eini bođ til Gud fyri skotum á Facebook. Upplýs navn, flokk og skúla. Trýst her.

 ---

Ragnhard Petersen greiddi frá bókini í Góðan morgun Føroyar 23/03/2018. Hoyr samrøðuna her.

---

„Hetta er eitt sannførandi, beinrakið og samstundis nágreiniligt ákærurit móti ‘nýateistunum’. Við at endurgeva beinleiðis úr bókum teirra skjalprógvar Lennox til fulnar, at nýateistarnir eru trongskygdir umframt trekir at kanna próvtilfar. Eisini vísir Lennox, hvussu teir speireka, háða og nýta skeiklaðar útleggingar í staðin fyri at próvføra í álvara – ein framferðarháttur, sum í roynd og veru kann føra við sær, at teirra virksemi stuðlar átrúnaði heldur enn at máa støðið undan honum.”

Alvin Plantinga, professari í heimspeki á Calvin College í USA

---

„Onki kjak hevur størri týdning enn hetta: vísindi móti átrúnaði. Men kjakið má byrja av nýggjum við eini greiðari fatan av, hvat vísindi og átrúnaður í grundini eru. Lennox hevur gjørt hetta á framúrskarandi hátt.”

Colin Tudge í The Guardian