Rekandi úr dagsins munnklovum,

fløðandi úr eygnarivum av stríði og strevi,
úr farnum illsinni og krógvaðum látri
okkara dreymar:

Orð úr rundaðum lógvum
út yvir óskrivað bløð,
tónar úr innastu tøgnini,

hómaðir litir undir blonkum sýnum,
flogið í vindinum
sum skuggar á ljósum sandbotni,
sum ælingar eftir sjónum,
streymandi inn millum tarabløð
av mjúkum holdi, 
ljódliga sum náttarveingir
úti móti døkkum sjónarringum,

rekandi,
undrandi upp úr degnum 
okkara dreymar.

---

Les greinina Tann álvarsami skemtarin