Hvat kann ein nýggj útgáva av tí gomlu Fuglabókini, burtur­­sæð frá at bøta um ein gamlan skaða og endurgeva fugla­tekn­­ing­arnar so vakurt, sum prentlistin nú er før fyri? Hví hevur tað týdning at fáa hana út til nýggj ættarlið? 

Fuglarnir koma ikki bara fyri í Fuglabókini, teir eru eisini í so nógvum øðrum, Mikkjal hevur skrivað: í greinum og stuttsøgum, í yrkingum, kvæðum og sálmum. Eftir hansara fatan eru teir ikki bara ein partur av tí føroysku náttúruni, men eisini ein ómetaliga týdningarmikil partur av føroyskum ment­anarlívi. 

Tá ið hetta er hansara fatan, noyðist Fuglabókin eisini at vera eitt hugvísindaligt verk. Meira vanligur ein fuglur er, og størri týdning hann hevur havt í føroyskum vinnulívi, í pátrúgv og sum tiltak, tess meira ger Mikkjal burturúr. 

---

Í sambandi við Fuglabókina hava vit prentað nakrar plakatir (A4):

Kvørkveggja
Lundi
Músabróðir
Ravnur
Bringureyði
Lomvigi
Steinstólpa
Tjaldur
Títlingskongur
Drunnhvíti

ORÐ OG TÓNAR februar 2017:

Ólavur Jøkladal og aðrir tónleikarar við solistum spæla her Steinstópluna eftir Mikkjal á Ryggi. Ólavur hevur smíðað lagið.