William Heinesen - myndlistamaður
Hann teknar, málar við pastell- og oljuliti, klippir og límar. Tað ótamda hugflogið býður áskoðaranum á eina ferð úr trøllamyrkri teirra fornisku til pastoral landsløg við skreytbúnum fuglum og vøkstrum og alskyns skapningum í stórari livandi rørslu. Frá upphavsins tættbýldu túnum og reynanna grýtuta mosaikki stava myndevnini, – úr sagnanna og ævintýranna heimi, úr norrønu gudalæruni, úr Arkadia og Edens urtagarði. Íblásturin byggir á náttúrukenslu, sniðfundigt gamanslyndi, spei, ramliga, ovfarakáta og ótamda lívsgleði og ein serligan fevnandi ans fyri tí ornamentala og skreytiliga.
Tann ótroyttiligi listamaðurin er virkin langt upp í ellisár. Framleiðslan er ómátalig. Prýðilig ornament og mynstur í stílførdum greiðum formum og litum verða samansett í óteljandi kliptum vignettum, sum hann stórtøkin stroyir um seg. Hansara gróðrarmikli og sermerkti myndaheimur er okkum føroyingum stórt ríkidømi.
Bókin er á føroyskum og enskum.
---
Í sambandi við bókina hava vit prentað tvær plakatir. Marmennil og Gjáarbotnur. Støddin er A4, og prísurin er 80 kr. fyri hvørja.
---
Les umrøðu. Bettina Heltberg hevur skrivað.
---
Hoyr Kinnu Poulsen ummæla bókina í Mentanarkaféini 8/6/16.
---
Síggj samrøðu við Bárð Jákupsson. Dagur og vika 3/6/2016 - KVF.
---
![](/upload/cache/images/3601-3800/3512b7aff72567881deb4612258b48d8455239ea_w512_h512_fC_ha50_va50_afp1.jpg)
![](/upload/cache/images/3601-3800/8bca6c0bb47084c73da0138bf5514c690aae272b_w512_h512_fC_ha50_va50_afp1.jpg)
![](/upload/cache/images/3601-3800/68bd8ef682c7f911b59490786e808604637b3b72_w512_h512_fC_ha50_va50_afp1.jpg)
![](/upload/cache/images/3601-3800/012af5c10b23af0ea4a69c1a2d0ad0075badc099_w512_h512_fC_ha50_va50_afp1.jpg)
![](/upload/cache/images/3601-3800/305658b8a605dfc7ce55370acf158bdbe5bf3ae7_w512_h512_fC_ha50_va50_afp1.jpg)
![](/upload/cache/images/3601-3800/89966bbbd6a4f4e9721eedc3b71ac9ca73682134_w512_h512_fC_ha50_va50_afp1.jpg)