Kjarnin í kvøldinum verður samanrenningin millum tríggjar mentakappar: Alexandur Kristiansen, Knút Olsen og Bárður Jákupsson, ið hava lagt so manga fagra slóð eftir eftir seg.

Í bókini Og várið kom hevur Knút sett løg til barnarím hjá Alexandur, sum Bárður hevur myndprýtt. Jensina Olsen og Finnur Hansen hava spælt yrkingarnar inn á fløgu, ið fylgir við bókini.

Vit fara at seta sjóneykuna á nakrar yrkingar, ið Jensina Olsen og Finnur Hansen fara at syngja og spæla. Jonhard Mikkelsen fer at hugleiða eitt sindur um listamenninar og verkið.

Sprotin hugnar um gestirnar við gløgg, og okkurt søtt verður á borðinum.

Eftir ein stuttan steðg fara vit at hyggja aftur á farandi bókaárið, tá ið rithøvundar og týðarar fara at lesa nøkur klípi úr trimum bókaperlum, ið komu út í ár, og líta fram ímóti onkrum upplivingum í orðum og tónum, ið komandi árið hevur í væntu.

Nú ið stundar til jóla, hoyra vit eisini um Atvent á hvítkløddum og ilsligum fløtum og líðum í Íslandi.

At seta rættiligan veitsludám á kvøldið fara Finnur Hansen og Edvard Nyholm Debes at spæla góð djassut løg, ímeðan vit fáa okkum okkurt upp í glasið ella koppin og kanska ogna okkum eina bók ella tvær.

Skráin er henda: