Hans Bärlach løgreglumaður er farin at eldast. Hann hevur havt krabba, men ernast nú spakuliga aftur eftir skurðviðgerð. 

Ein dagin varnast hann, at vinmaðurin Samuel, sum er lækni á sjúkrahúsinum, brádliga bliknar, tá ið hann sær eina mynd í blaðnum Life. 

Maðurin á myndini sigst vera týski læknin Nehle, sum á andstyggiligasta hátt skurðviðgjørdi fangar ódoyvdar í týningarleguni Stutthof og síðan tók sítt egna lív í 1945. 

Samuel greiðir Hans frá, at Nehle líkist óhugnaliga nógv einum Fritz Emmenberger, sum hann las saman við, og sum segðist búgva í Kili í krígnum.  

Teir fáa illgruna um, at Nehle og Emmenberger er ein og sami maður. At hann framdi misgerðirnar í týningarleguni undir navninum Nehle, fór aftur til Sveis eftir kríggið og fór at reka sína egnu viðgerðarstovu. 

Ráð verða løgd um, hvussu maðurin skal verða avdúkaður, men tað gongst ikki eftir ætlan…