Fleiri málningar hjá Sámali eru í Bátasavninum í Leirvík Gallarí Havnará

SÁMAL TOFTANES - Sólarljós og sálarljós

Gallarí Havnará hevur í samstarvi við Sprotan givið út bókina SÁMAL TOFTANES - Sólarljós og sálarljós. Sunnudagin var bókaframløga í Bátasavninum í Leirvík.

17.11.2026
Sprotin
Bókaprát

Bárður á Lakuni hevur skrivað tekstir til bókina, og hann sigur soleiðis í fororðinum:

Henda bók er eingin long ævisøga og er heldur ikki ætlað at vera tað. Fyrsta og fremsta endamálið er at fáa savnað og givið út nakrar av teimum mongu málningunum, sum við tíðini eru komnir úr huga og av hondum Sámals. Við ógvuliga stórum og fáum strokum verður eisini hugleitt og nomið eitt lítið sindur við lívsleiðina – upphav, barna- og ungdómsár, arbeiðslív, familjuna og ikki minst viðurskifti, sum hava vakt og ment huga hansara fyri málningalistini. Hann er sjálvlærdur og hevur verið hugtikin av hesi fyrndargomlu listagreinini frá heilt ungum, og tað grør framvegis um gangandi fót. Heilsan er har, og kusturin gongur kykur og lystiligur eftir løriftinum.

17.11.2026
Sprotin
Bókaprát

Hevur tú hug at lesa fleiri greinir?