Rúni megnar hetta ógvsliga spennið. 

Vit kenna hann best sum víða gitna operasangaran, sum hevur júst ta røddina, hann sær út til at hava. Bulurin og røddin eru lagað hvørt eftir øðrum. Við buli og rødd reikar hann um allan heim og syngur opera. Hann syngur í stórverkum, sum framførd verða í stórum fyltum operahúsum.

Men tað hevur hann ikki altíð gjørt. Tí hann var viðurkendur yrkisfotografur, áðrenn hann skifti kós. Mentor hansara sannførdi hann um, at hann sang eins væl og hann tók myndir.

Hann leyp út í møguleikan í øllum sínum veldi.

Í løtuni er hann í Japan, har hann fer at hava frumframsýning av Flúgvandi hollendinginum eftir Richard Wagner. Meðan Rúni venur til framførsluna, kemur hann á marknaðin við tveimum myndabókum um Mykines, sum hann hevur hjúklað um í fleiri ár.

Onnur bókin eitur Ein dagur á súluveiðu

Dagurin er sagdur mynd fyri mynd frá tí, at menn savnast í túninum kvøldið fyri, gjøgnum svarta nátt, meðan grásúlurnar verða tiknar, til fongurin verður býttur dagin eftir.

Onnur bókin eitur Á sýnini

Í Mykinesi eru nú bara 8 fólk eftir, sum búgva har alt árið. Myndaliga talað er Mykines soleiðis sum samfelag komið á sýnina.
 

Rúni hevur sett sær fyri at mynda tað lívið, tað er, at liva í einseminum sum einstakt menniskja við lítlum felagsskapi í ógvisligum umhvørvi. Einsamallur at kalla á eini oyggj, har illveður og mjørki skiftast um at seta ljóð – og ljóspallin, og har loft og løgur stundum standa í einum langar vikur á svørturm vetri.

Bøkurnar eru pakkaðar saman og fáast til keyps beinleiðis frá Rúna Brattaberg. Greipan kostar 500 kr. Bílegg beinleiðis á brattaberg@yahoo.com