Heitið á bókini er tikið úr mergjaða skopunarsanginum hjá Sigurdi Bærentsen, sum eisini á sín hátt lýsir baldrutu umstøðurnar, ið nógvar av frásøgunum greiða frá. Sjógvurin var álitið, og fongurin var mangan dýrgoldin og tøkini tung; men sjálvt í myrkastu løtum fall fólkið ikki í fátt, og bygdin mentist eftir ­umleið seksti árum til at gerast næststørsta bygd í oynni, og tað er hon framvegis. 

Høvundur er Jens Marius Hentze er føddur i Skopun í 1940. Hann fór á Føroya læraraskúla í 1960 og starvaðist mestsum øll árini í Tórhavnar komm­unuskúla, til hann fór frá fyri aldur.

Hann skrivaði javnan søguligt tilfar í Kvørnina, og í Birting skrivaði hann mangar søgur, sum fyri ein part eru spunnar úr munnligum tilfari, skemti og endurminningum.

Jens Marius týddi ungdóms­skald­søg­una Sjó­røtur eftir Rudyard Kipling. Sprotin gav bókina út í 2013.