FUGLAR OKKARA á Sunda bókasavni og á Fiskastykkinum í Sandavági hesa vikuna
Kom og hugna tær í ein góðan tíma saman við tveimum serfrøðingum, sum hugfangandi greiða frá fuglum her á landi.
Á Sunda bókasavni mikukvøldið 19/10. kl. 19
Á Fiskastykkinum í Sandavági hóskvøldið 20/10 kl. 20
Øll eru hjartaliga vælkomin.
Á tiltakinum ber til at keypa FUGLAR OKKARA fyri 800 kr. Frá 1. november er prísurin 900 kr.
...
Sum liður í bókaframløgum kring landið, fara Silas Olofson myndatakari og Jórun Pólsdóttir lívfrøðingur at leggja stóra bókaverkið FUGLAR OKKARA fram á Sunda bókasavni á Fiskastykkinum í Sandavági hesa vikuna.
Høvi verður at síggja fleiri av sjáldsama góðu fuglamyndunum úr bókini, umframt at hoyra ymiskt forkunnugt um fuglalívið í Føroyum. Høvundarnir fara eisini at greiða frá tilgongdini at gera bókina.
Endamálið við bókaverkinum er at kunna um fjølbroytta fuglalívið, sum er í Føroyum, og skapa gleði og alsk til føroyska náttúru og fuglalív.
Í verkinum FUGLAR OKKARA verður greitt frá livihátti, hvussu fuglurin flytur, og hvat hann etur, umframt myndir av fuglinum av báðum kynum og í ymiskum búnum. Serliga nógv verður gjørt burtur úr føroysku búfuglunum, har m.a. tekstabrot er um reiðran, myndir av eggum, um atburð í náttúruni, hvat hóttir fuglalív og um føroyska fuglaárið. Øll fuglasløgini eru lýst í myndum, sum í stóran mun eru tiknar í Føroyum.
Silas Olofson myndatakari og Jórun Pólsdóttir lívfrøðingur hava í mong ár arbeitt við nýggjari bók um fuglar í Føroyum. Bókin lýsir í teksti og myndum øll vill fuglasløg, sum eru skrásett í Føroyum.
Bókaverkið – trý prýðilig bind í húsa saman við eini fikkubók – verður til keyps hesi kvøldini og kostar bara 800 kr. Frá 1. november er prísurin 900 kr.