Kjartan Hansen er stjóri á Eventmálaráðnum og legði lunnar undir hesa leiklist í Føroyum. - Terry’sa Saga hevur verið ein spennandi ferð frá 2009, til verkætlanin varð veruleiki í 2014. Tað hevur verið ein fragd at framleiða og framføra.   Clown er ein grein innan leiklist, ið er sprottin úr Commedia Dell'arte. Leikstjórin Mario Gonzalez, ið hevur leikstjórnað Terry'sa Saga, er ein hin fremsti í hesi sjangru í Frankaríki og Skandinavia. Millum sjónleikarar, sum Mario hevur leikstjórnað teljast millum annað viðgitni italiumaðurin Dario Fo. Mario var eisini tann, sum kom við clown-greinini til Norðurlond. Serliga í Svøríki og Íslandi hevur sjangran fingið fótafesti. Tí er tað ikki løgið, at tað var júst í Luleå í Norður-Svøríki, at lunnarnir undir Terry'sa Saga vórðu lagdir á vetri í 2009, Rafael Bianciotto, lærlingur Mario, undirvísti í clown-teknikki á skúlanum, har eg nam mær sjónleikaraútbúgving. At clown var upplagt til føroyska sjónleikalyndi gjørdist mær beinavegin eyðsýnt.

Eftir lokna útbúgving eydnaðist mær at sleppa við í eina verkstovu hjá sjálvum Mario Gonzalez. Tað var í Keypmannahavn á sumri í 2011. Mario helt meg vera frægasta leikaran á hesi verkstovu og bjóðaði mær pláss á síni árligu verkstovu í Fraklandi árið eftir. Hon vardi í tríggjar vikur.

Mario helt eitt pláss frítt, og tað eydnaðist við 13.000 krónum í studningi úr Mentunargrunni landsins at halda á við arbeiðnum við clown-teknikki.