Fólk eru vælkomin at hugna sær við áhugaverdum práti ella njóta góðan tónleik við einum glasi afturvið. Kim Hansen og saksofonleikarin Hans Petur í Brekkunum standa fyri tónleikinum.

Dyrnar lata upp kl. 20, og fyrsta framløgan saman við Kim Hansen byrjar kl. 20.30. Steðgur er í millum framløgurnar, og til ber eisini at sita eina løtu, áðrenn hildið verður fram til onnur tiltøk.

Skráin er henda:

Kl. 20.30
Steintór Rasmussen: Hevndin úr havsins dýpi

• Dorit Hansen prátar við Steintór
• Hans Tórgarð lesur úr bókini
• Kim Hansen stendur fyri tónleikinum

Kl. 21.30
Helgi í Brekkunum: Seyður í søgu og veðri

• Jonhard Mikkelsen tosar við Helga um bókina
• Gitni saksofonleikarin Hans Petur í Brekkunum fer at spæla, tá ið pápin hevur lagt fram

Kl. 22.30
Øystein Morten: Leitingin eftir Sjúrði Jorsalafara

• Theodor Olsen hugleiðir um evni úr bókunum Leitingin eftir Ólavi Heilaga (Sprotin 2016) og Leitingin eftir Sjúrði Jorsalafara (Sprotin mai 2017), sum Regin av Steinum hevur týtt
• Sjúrður Ravnsfjall kunnar um bøkurnar
• Hans Tórgarð lesur úr Sjúrði Jorsalafara

Vit enda kvøldið við tónleiki eftir Kim Hansen og Hans Petur í Brekkunum.

Allar bøkurnar fáast til keyps við stórum avsláttri mentanarkvøldið.

Orð og tónar á Reinsarínum borgar fyri áhugaverdum hugnaløtum!