BÓKADAGAR 2022 - Leirvíksmálarin – føroyski impressionisturin

Nú er eitt stórt og búgvið savn av verkunum hjá Jóannis Kristiansen savnað í prýðiligari coffee-table-bók. 

15.11.2022
NLH
Ymist

Jóannis Kristiansen (1918-1988) var ein av teim fyrstu akademiútbúnu listamálarum okkara. Stillførur, sum hann var, gjørdi hann ikki nógvan háva burtur úr sær.  Hann var ikki partur av nøkrum ávísum listamannaumhvørvi – hvørki niðri ella í Føroyum – nevnir Ingálvur av Reyni í eini umrøðu av vini sínum frá akademitíðini. Hóast Jóannis búði niðri mesta partin av lívi sínum, mátti hann vitja aftur í Føroyum í heilum at leita eftir serliga ljósinum í  heimliga landslagnum. Tí er tað ikki av ongum, at Jóannis Kristiansen verður sagdur at vera ein rættiligur útimálari – ein impressionistur - har oyggjanna eyðkenda ljós er grundarlag undir støðugt nýggjum litklangum. Í dag finnur tú málningar hansara víða hvar um landið.

Petur Martin Petersen, systursonurin , greiðir frá ævisøgu Jóannisar, og Solveig Olsen, listfrøðingur, greiðir frá myndunum.

Framløgan verður skipað soleiðis, at  stórt úrval av myndunum verða sýndar á stórskíggja saman við viðmerkingum og greiningum hjá listfrøðinginum.

Kom í NLH og hygg at hesum rára myndadýrgripi. 

Sprotin skipar fyri tiltakinum í samstarvi við Norðurlandahúsið.

Sí meira á https://www.nlh.fo/fo?event=8911/leirviksmalarin-foeroyski-impressionisturin

15.11.2022
NLH
Ymist

Hevur tú hug at lesa fleiri greinir?

Bókaprát

At greina eitt greinasavn

Framløga av greinasavninum ‘Opera men eingin olja’ á Bókadøgunum í Norðurlandahúsinum 20. november 2022.
Ymist

BÓKADAGAR 2022 - Greinir um bókmentir og mentan í 25 ár

Martin Næs er útbúgvin bókavørður og hevur arbeitt nógv við mentanarligum spurningum, hann var landsbókavørður í nógv ár og síðan…
Ymist

Ein heilsan til vinfólkini Marie og Jacob Fuglø

"Tað ungur nemur, gamal fremur,” verður stundum sagt um tað gleðiliga fyribrigdið, har tað við tíðini kanska eydnast okkum at útin…
Bókaprát

Eitt sjaldsama gott íkast í kjakið um okkara samfelag

Sigri Gaïni, sum er Ph.D.-lesandi í politiskari filosofi á Roskilde Universitet og Fróðskaparsetri Føroya, hevur skrivað bókina Ga…
Bókaprát

Oyðilendi

Svanna er útbúgvin sálarfrøðingur og arbeiðir dagliga við psykoterapi og supervisión. Hon varð liðug við útbúgvingina sum sálarfrø…
Bókaprát

Seyðabóndi í Suðurgrønlandi

Søgan um Magnus Fuglø, sum Jacob Fuglø hevur skrivað, er sjaldsom søga um nógv áræði og sterkan vilja.
Bókaprát

Johannes Kristiansen (1918–1988)

Ein kaldan vetrardag – 12. februar 1918 – sóu leirvíkingar kenda útróðrarmannin Svend Edvard Kristiansen fara niðan á Brekkur við…
Bókaprát

Stórverkið um Jóannis Kristiansen í Bátasavninum

Gleðið tykkum til eitt hugnaligt kvøld í Bátasavninum í Leirvík mikukvøldið 2. nov. Stórverkið, sum Sprotin hevur givið út um list…