Pætur og Dósi
Pætur og Dósi - báðir húsamenn - ferðaðust ofta saman. Soleiðis verður sagt, at teir báðir einaferð vóru saman í Mikladali.
Dósi var leiddur av at bíða eftir felaga sínum og fór undan honum heimaftur. - Nú hetta verður sagt fyri Pæturi, svarar hann blídliga, at Dósi mundi nokk koma at bíða eftir honum kortini. Og hann skundaði sær ikki við at gera seg lidnan.
- Tá ið hann umsíðir var liðugur við ørindi síni, fór hann til gongu. Komin niðan á Ennið, var Dósi har. Tað var honum ógjørligt at koma longri, hvussu hann enn royndi, áðrenn Pætur kom.
Andreas Weihe: “Søga og søgn”, 1933
---
Árni Dahl hevur hevur staðið fyri at gera sagnirnar til talgildan tekst.
Kelda: www.snar.fo
Aðrar søgur og sagnir úr Mikladali: Kópakonan, Páll fangi, Páll fangi og Jákup Urni, Húsa Pætur, Pætur og Dósi